#開學心聲 原來返小學係同返幼稚園係完全兩個世界… 媽媽表示真係好攰呀～(但亞仔又唔覺得攰，仲好開心...

#開學心聲 原來返小學係同返幼稚園係完全兩個世界… 媽媽表示真係好攰呀～(但亞仔又唔覺得攰，仲好開心😂)

開學一星期，已經因一事收到小學老師電話...😭好多時我都會問自己，係咪自己教得唔好？🥺(所以我帶定頭盔好多次，成日強調大家唔好比大福個樣呃到... 你睇佢對耳仔幾咁唔貼面，就知道佢係難教🤦‍♀️)
不過第二日輪到收到幼稚園電話(班主任報告返每位小朋友返學嘅情況)，基本上都係正面，老師仲不停讚細福好可愛，真係兒子生性病母倍感安慰...(係呀，前一日真係比大福激到就快病) 亦同自己講，性格生成，唔好成日自責... 尤其自責當年因為工作，錯過咗大福嘅頭3-4年性格育成嘅黃金時期… 唯有依家百倍奉還，比多啲心機教好佢💪🏻💪🏻💪🏻

雖然好激氣，但大福亦有令我值得安慰嘅地方😌，佢除咗遺傳咗我嘅藝術家脾氣😅，好似都有少少藝術天份(啩🤪)， 起碼佢會自動自覺畫畫，每次亦會畫得好專心。上星期佢叫我可唔可以用紙整一本簿仔俾佢，原來佢想學人畫一本故事書！
於是作者大福嘅第一本作品面世喇～～(佢真係好鍾意屁屁偵探😂) 除咗釘本簿仔，成個過程阿媽冇幫過手㗎！
雖然係無字天書，但佢今次就學識咗，原來故事書要考慮頁數，去思考點樣分配&講故事！

btw, 大福認中文字真係very good，但從來未默過書嘅佢，背寫係零呀～英文亦一樣，基本上乜字都唔識串... (連school都唔識串咁囉…)希望之後開始默書生涯，我唔會爆血管啦🙈🙈🙈

(如果大家想睇多啲大福嘅大作，就話我知啦😂)

---